香港新浪網 MySinaBlog
« 上一篇 | 下一篇 »
kenken | 22nd Sep 2010 | 日誌 | (3443 Reads)

Picture

kenken除了工作以外,唯一的運動差不多100%都是做Gym.亦因為早年join了physical永久$99月費的plan(但手續費係$5000大元!emotion),所以一直都沒有諗過轉會.最近physical旺角新店開張,卻原來不是所有會員可以享用!emotion要玩唔該你up-grade你的會籍.不過,位於荷里活商業中心3-6樓全層的新店,偌大的地方要聚集人氣怎能不靠我們這班老主顧?所以在9月30日前,所有會員都可以去試玩一下,這裡的設施究竟是龍是蛇呢??

眾所周知,physical既market對象係走健身平民化路線.跟California Fitness, Fitness First的不同.它的好處除了月費較平外,亦唔會無時無刻地去sell你購買額外的課程,私人教授等等;但場地設計,器材保養,管理方便就不能跟他人比較了...所謂食得咸魚抵得渴,所以未去之前,心目中已經對新店的情況未敢期望.

我是選擇平日時間試玩.商場大堂有一部專用升降機直達5樓的接待處.跟其他分店一樣,交出會員證,員工便會給你locker鎖匙.而男仕更衣室,更衣locker,桑拿,淋浴室等都在同層,所以對男仕較為方便;女仕們就要麻煩妳落一層至四樓了.男仕更衣室的空間比康怡店大很多,不過它亦存在physical一概的缺點 - locker與locker之間的距離太小了.來到旺角店就更加變本加厲,每一個呈凹形的空間三邊都有上下不少於10組locker,如果其中兩邊近接合的位置都有人同時間換衫,你可以想象到這種情況根本無可能出現 - 因為其中一位一定要等待直至對方換完衫後才有空間騰出,這還不計下層locker有沒有人等待啊!其他淋浴室,洗手間等大致都OK既.

第二個問題係為始終大廈原設計係商業樓宇,要兼顧保安,男女私隱的問題下,要來往3至6樓就只得靠後門樓梯,而由於4樓及5樓分別係男女的更衣室,屬敏感地方,所以physical就在該兩層的後門出入處放了一位員工看守著,表面上係無可厚非,但我就覺得有D吊詭囉~3樓被安排係綜合的器械場地及各類活動室.有做帶氧運動的,也有緞練肌肉的器械.器械看得出係新置的,有些器械牌子甚至在其他分店未見過.另外值得一提係,全部LED電視都已接收到高清電視台了;另外活動室,Yoga訓練室,高溫單車訓練室及私人教授間等都在這裡.不過都有physical的另一個根本問題 - 冷氣分佈不平均.例如我在試玩一部爬山機時,腦袋後就涼風澟澟;但走去玩不遠處的另一部器械時,空氣停止像要令我窒息似呢!...慶幸係這裡都有較細的男女洗手間,不用要返回上層.

6樓被劃分為兩部份,一部份仍然時放置器械的地方,設備大致上跟3樓的差不多,只是器械種類及規模較少;另一部份就是視聽休息室,這裡你可以坐低梳化,看看電視,報紙或雜誌等;又或者可以在3台有上網功能的電腦上網.不過對我來說,如果能供應飲品小食就更好,就算冇小食,最起碼都放部飲水機或者自助販賣機吧!

在這裡試玩了兩個小時後,感覺最大問題在於場地設計上,縱使有新機享用,我想我都不會再來了....另外,建議有心為了此新店而考慮入會的朋友們請參考其他去過的朋友意見後,又或自已親身試玩後才決定是否入會.

做完運動後當然要醫肚,心思思又想去試米芝蓮效應的添好運....^^

Picture

一別8個月,又開了分店,添好運仍然其門如市....>o<

Picture

可能上天知我好肚餓,去到開口說"一位唔該",哦!居然即時有得安排....正!

Picture

茄汁雜豆牛肉餃 - 點心紙上的新菜色.說實的用免治牛肉混入雜豆作餡.口感較唸,而且不覺有很濃厚的茄汁味;不過餃皮做得很好,大大隻都沒有漏餡跡象.

Picture

柱候蒸鹿筋 - 都是今次來才看到的新點心.恕我才疏學淺,不知道那碟是否鹿筋還是其他筋,不過放入口後很有嚼口,但又不會太難咬.我歡吃這類型的食品,所以覺得很好吃!

Picture

潮洲蒸粉果 - 上次的酸辣雜菜餃已沒有供應,今次換來最最最典型的潮洲粉果,反而覺得不太出眾.就算吃了都有甚麼特別印象....

Picture

黃沙豬潤腸 - 唯一跟上次一樣試的點心!依然保持水準,可惜上檯時略嫌腸粉不夠熱,扣了一點分數.

這裡現在規矩係如果有幫襯堂食,就可以落外賣order,換言之,如果你有三數人等位,又不介意將食物take away的話(其實堂食個環境都好辛苦!),可以考慮指派其中一人堂食,跟著堂食者是但叫一款點心後就即時order外賣...這樣的安排可能比齋等位還快啊~!

離開之時我都order左酥皮叉燒包,馬拉糕和咸水角外賣俾家人試,哈哈!他們都說:好味道!emotion

伸延閱讀:米芝蓮效應 - 添好運點心專門店


[1]

做運動, 都係跑步最經濟~
無特登試過, 但行過開見過好多人, 見完您介紹, 我最想試黃沙腸粉~

太后
[引用] | 作者 太后 | 22nd Sep 2010 | [舉報垃圾留言]


跑步係好又經濟,但我為了減少運動對關節的損耗,現在已很少跑步了...

黃沙腸粉~正呀!不過妳要試就得忍受長時間的等位及陝窄環境...

[引用版主回覆] | 作者 kenken | 26th Sep 2010

[2]

要$5000入會好貴喎,雖然每個月月費只是$99,但都好似不划算喎

希樹
[引用] | 作者 希樹 | 22nd Sep 2010 | [舉報垃圾留言]

希樹 :
要$5000入會好貴喎,雖然每個月月費只是$99,但都好似不划算喎

不經不覺我都供完那$5000元...我計過,如果玩超過10年,價錢係平過去政府的健體金咭月費.

[引用版主回覆] | 作者 kenken | 26th Sep 2010

[3]

十世無做gym了,返學成為大藉口。


[引用] | 作者 brownie | 23rd Sep 2010 | [舉報垃圾留言]


冇相干,學業重要D既...

[引用版主回覆] | 作者 kenken | 26th Sep 2010

[4]

酥皮叉燒包?

好此道者,不得不試Regal富聲既招牌點心

更好味,但價錢何止雙倍...


[引用] | 作者 conan | 25th Sep 2010 | [舉報垃圾留言]


哈!富聲未去過喎!個度唔係食翅出名呢??

[引用版主回覆] | 作者 kenken | 26th Sep 2010

[5] Re: kenken
kenken :

Lock櫃係分上下層,呈U字排列.如果在U字的最深胡同,同時間換衫就要大家遷就啦!
我都想多D人食,每次都可以試多D點心...但該處未必有人肯陪我去試.
難道,首領你有興趣嗎??XDD



OK架,咁出名,都想去一次,幾時帶我去食?

金田一
[引用] | 作者 金田一 | 27th Sep 2010 | [舉報垃圾留言]

講真,你真係不怕那裡非常懠逼的環境嗎?emotion

[引用版主回覆] | 作者 kenken | 30th Sep 2010

[6] Re: kenken
kenken : 講真,你真係不怕那裡非常懠逼的環境嗎?
哼,你已經唔係第一次質疑我嘅說話架啦喎!

金田一
[引用] | 作者 金田一 | 1st Oct 2010 | [舉報垃圾留言]


好好好~首領請息怒...如果首領真是有興趣,在下陪你等位絕對冇問題啊~!

[引用版主回覆] | 作者 kenken | 2nd Oct 2010

[7]

我又要去食~ 帶埋我!!

火羽
[引用] | 作者 火羽 | 2nd Oct 2010 | [舉報垃圾留言]

妳返HK探我地,我請埋妳去食又有乜所謂emotion

[引用版主回覆] | 作者 kenken | 2nd Oct 2010