香港新浪網 MySinaBlog
« 上一篇 | 下一篇 »
kenken | 13th Aug 2010 | 心頭好 | (124 Reads)

就係因為早前被貓小姐問到有關自已的收藏品時,心生一念,不如總結一下自已收藏.當正想組織一下收藏品類別時,發覺遇上很大困難:就是我的大部分收藏品都放在迷你倉,要找它們出來影相等要找一個適合時間去迷你倉一趟,還要拜託迷你倉阿姐揶出空間食給我拍照...基於以上原因,本來想記錄收藏的第一彈《扭蛋》還是無奈要擱置了.所以第一彈不如記錄一下收藏不多的電影副產物吧:-

Picture

去睇戲就一定要買戲票.現在的戲票設計因為要遷就電腦打印,票面反而顯得千篇一律.以前的戲票係要靠售票員劃位的,就好似以上個張,特別之處係呢一場係午夜首影場,所以票尾印有Rambo的背面.記得當年跟朋友專程夜麻麻由南區搭車去炮台山看...可惜Rambo 3無論係水準或成績均令人失望!

Picture

以前有很多片商為了推介新片,會舉行免費的優先觀賞特別場.通常這些優先場都會安排在星期六日早上舉行.他們會刻意印製優先場戲票,並透過傳媒送給影迷.除了自已不時在報紙雜誌參加抽獎外,以前有一位同事,不知他用甚麼渠道,總會間中送給我這些戲票;不過,要看免費電影也得要付出,就是晨早要排隊,皆因坐位係以Free seating安排.本來這些戲票我應該收藏不少,但早年唔識得在入場收票前要求票務員回收戲票(印象中以前就算問佢都係唔會俾番你的).加上最近發行商已經好少舉行呢D優先場宣傳.所以最終只有以上3款.講開優先場,其實最深印象係在海運戲院睇"人鬼情末了",當時睇完出來時真係估唔到套戲咁好睇!還有,原來快人一步睇到好戲真係好有滿足感!!

Picture

電影宣傳可謂層出不窮!呢套"東京攻略"書籤係當時睇電影送既.四大主角朝偉,伊健,慧琳和柏芝的造型個個都很有現代都市氣息的"型"!

Picture

除了書籤,紀念postcard都係電影宣傳常見手法.記得本來有一套"東邪西毒"的postcard,但最終找不到,只有徐克再一次令我失望的"七劍"...

Picture

外語片的postcard.右上還有"猿人襲地球"的sticker.它們通常以電影宣傳海報縮影了事.不過外國的宣傳海報設計的可觀性通常勝一籌,所以都值得收藏哇!

Picture

還有trading card,要收藏這些比年曆咭size大的確有點因難,因為往往找不到合適的holder去儲存.這些咭當中最喜歡當然係"星戰前傳"飾演Anakin Skywalker既Hayden Christensen,立體效果分別可以看到他成為Darth Vader之前之後模樣.此外還有"small soldiers" 及"Flubber",它們都是以同樣效果製作;年份較早些的就有電影"The Mask",以當時流行的閃咭製作.最右邊的其實並不是tarding card,而是有一次在大阪環球影城買下的T2-3D劇場的日本電話咭,鐳射金色效果突顯T-800的頭顱,可惜從相片裡看確實看不到它閃閃金光!

Picture

每逢聖誕港產片都有些大製作推出,以年歷咭作宣傳係好普遍的方式之一.實用性不在話下,尤其以前要翻查日歷不像現在看手機click一click那麼方便.我是頗喜歡收藏月曆咭,貪其收藏方便,放得到銀包都可以同樣放得到一般的card holder.

Picture

海報都係我愛收藏之一.這張係最近入手既Toy Story美版A1 size海報.不過由於size太大,我現在還未決定如何處置它,初步計劃係搵一間鋪頭將其裱起.但,可以掛在那裡呢??對於我的陝小居室係一大難題啊!

Picture

哈哈!還有這個近期至愛!跟Cobb同樣擁有的陀螺 !...如果我可以植入我老闆的夢,叫佢唔好俾咁多野我做,放大假去旅行就好啊~~!妄想!!

印象中還有一些有關電影的副產物:例如"The Peacemaker", "Fugitive"的T-shirt,Appllo 13襟針,或Pearl Harbour陀錶等等,有些已經變為走樣的內衣,有些則埋在迷理倉深淵之中...如果他日有機會重見天日,再post出來跟大家分享吧!

 


[1]

Rambo III? 國都? OMG...

Was I with you that night 22 years ago?


[引用] | 作者 conan | 14th Aug 2010 | [舉報垃圾留言]


Yep!You & I seem to be a oldman...XDDD

[引用版主回覆] | 作者 kenken | 14th Aug 2010

[2]

嘩, 嗰張rambo 3好勁呀~
不過我最鍾意都係cobb嘅陀螺!!!

太后
[引用] | 作者 太后 | 14th Aug 2010 | [舉報垃圾留言]


唔係幫佢賣廣告,妳可以去FB個UA Cinemas 成為Fans,那裡不時會舉辦活動.Cobb的陀螺都係從那裡獲得的呢!

[引用版主回覆] | 作者 kenken | 14th Aug 2010

[3]

我好少得到呢d野,最多係有時戲院門口有些免費postcard貼在公司partition。

人鬼情未了我同同學在沙田UA睇,因為好急,又坐第三行,我覺得一d都唔好睇XDDD


[引用] | 作者 brownie | 14th Aug 2010 | [舉報垃圾留言]


講真我係有D垃圾佬性格,唔捨得將它們掉進廢紙筒;換著一般人可能已經冇得留低...

我睇電影都有D原則:(1)盡量預備多D時間入場(因為唔想Miss電影的每一段),(2)由銀幕數起頭7行的坐位不買,同(3)安排好生理時鐘,開場後盡量不拜訪洗手間...

嘿嘿,據我的標準下,妳那次已經犯下看戲禁忌兩條,怪不得妳話唔好睇la~|:p

[引用版主回覆] | 作者 kenken | 15th Aug 2010

[4] Re: kenken
kenken :
講真我係有D垃圾佬性格,唔捨得將它們掉進廢紙筒;換著一般人可能已經冇得留低...

我睇電影都有D原則:(1)盡量預備多D時間入場(因為唔想Miss電影的每一段),(2)由銀幕數起頭7行的坐位不買,同(3)安排好生理時鐘,開場後盡量不拜訪洗手間...
嘿嘿,據我的標準下,妳那次已經犯下看戲禁忌兩條,怪不得妳話唔好睇la~|:p


細個少不更事…


[引用] | 作者 brownie | 16th Aug 2010 | [舉報垃圾留言]