香港新浪網 MySinaBlog
« 上一篇 | 下一篇 »
kenken | 8th Aug 2010 | 影音小評 | (152 Reads)

暑假已經過了一半,有睇頭的電影亦以乎已經放映了.看看時間表整個8月都好似冇乜大作(唔好同我講翡翠明珠都係大作,好煩!)呢套狄士尼出品"魔法師的門徒",之前睇過Trailer覺得有唔小SF場面,於是今早又約埋朋友去睇早場.

此片係魔盜王監製+驚天奪寶導演出品,入場前已經expected套戲會俾到乜野.故事發生要追塑至公元700年,魔法師Merlin門下有三名弟子:Balthazar Blank (Nicholas Cage飾演), Maxim Horvath (Alfred Molina飾演)及Veronica (Monica Bellucci飾演).在一次Merlin與邪惡女魔Morgana對決時被自已的弟子Maxim暗算,幸好Balthazar將他及Morgana封印在一個俄羅斯式公仔內,不幸係就連Balthazar深愛的Veronica亦因為Morgana靈體入侵,亦同時被封印在公仔內.Merlin臨終時囑咐Balthazar,要完全消滅Morgana,就要找到"Prime Merlinian" - 一個可以繼承他的人....經過漫長歲月,十年前即2000年,還是小孩的Dave一次巧合下被Balthazar認出他就是要找的繼承者,同時間Maxim亦意外逃出封印,雙方大打出手後,他們最終亦被困在另一件古物中,而封印公仔亦在不覺間遺失了....

故事到2010年才真正開始:轉眼十年間,Dave已成為一位醉心物理實驗的宅男,一心只想追求一直以來的暗戀對象;另一方面,Balthazar及Maxim雙雙又再被釋放出來,正邪大鬥法即將展開...故事唔駛再講,相信大家都知道會點發展吧!Nicholas Cage無疑係呢套戲主角,但飾演成年Dave的Jay Baruchel原來佔劇量亦很重.此人我不太熟悉,只知佢多數拍的都係teenage film類,可能係迎合青年人口味掛?不過我就不太欣賞他,只因佢面相太猥褻,尤其看他與女主角的對手戲時的眼神更甚!朋友亦覺得他幽默感不足.睇返Nicholas Cage,都係佢一貫演出水準,不過不失,但外形有點似"金貴祥"的他,沒有魔法師的味道(可能想同Alfred Molina的紳仕服裝作為強烈對比吧?)其他角色就只會有一種"群戲"感覺.電影的故事推進亦很快,好有港產片風格;而且特技娛樂場面算很多,應該可以滿足一般香港觀眾口味.不過有些情節只有輕輕帶過:例如Balthazar教授Dave魔法就很兒嬉,Dave與暗戀女同學的情節去到尾段為了遷就結尾的大戰,好像落雨收柴.不過這些都係一般荷里活製作的通病,出現這些瑕疵都係預料之內.

總括上呢套係魔幻特技+青春追女仔影片,食正當今美國年輕人口味;至於我?當一套消暑娛樂片已經心滿意足了~!


[1]

睇完個trailer完全唔想睇XDDD


[引用] | 作者 brownie | 8th Aug 2010 | [舉報垃圾留言]



我都知呢D戲唔係妳杯茶既..:P

[引用版主回覆] | 作者 kenken | 8th Aug 2010

[2]

原來係咁, 可以唔駛入戲院!!

火羽
[引用] | 作者 火羽 | 8th Aug 2010 | [舉報垃圾留言]


如果有廉價場看都還可以,沒有就不如等出碟算了.

[引用版主回覆] | 作者 kenken | 8th Aug 2010

[3]

又留唔到,又要打過…

我想話我唔係唔好呢類戲,只係:
(1)Nicholas Cage想點?個色設定唔掂。
(2)個男仔睇落好蠢,唔靚仔,亦唔可愛。
(3)仲有我最憎d戲描寫中國得咁奇怪,不倫不類,唔該佢o地去睇下真正的中國。


[引用] | 作者 brownie | 9th Aug 2010 | [舉報垃圾留言]

(1)同意!佢個造型太"求其"!
(2)絕對同意!除左妳提過的之外,如果妳睇埋套戲,妳好有可能加埋"咸濕"!
(3)呢幕令我諗起"Big Trouble in Little China".外國人睇中國文化永遠只停留在元明清朝代+自我創作!

[引用版主回覆] | 作者 kenken | 9th Aug 2010