香港新浪網 MySinaBlog
« 上一篇 | 下一篇 »
kenken | 26th Jul 2010 | 影音小評 | (117 Reads)

 

 

可能係本年度最具代表性的電影!我推薦此片給如果喜歡思考電影的朋友們.

兩部Batman作品,將導演Christopher Nolan由劇情片圈子帶到商業片國度裡.有人認為他的作品是少數能夠保留自已的風格之餘,又能成功將它融入荷里活式商業片裡.今次Christopher再下一城,集故事導演於一身.從今次的故事取材上,的確是很大膽及有野心的嘗試!需知道要將虛幻與現實把持得好已經不易事,導演還未滿足,要將一眾角色帶到夢境的深淵...

故事說主角Cobb(Leonardo DiCaprio飾演)是精於潛盜別人夢中,籍此套取商界機密情報的專家.他的專業令不少商界間諜為求達到目的而聘用他,同時間亦令他成為國際罪犯;而且他也涉及謀殺自已的妻子而通緝.一次機緣巧合,Cobb接受了日本商人(渡邊謙飾演)的交易:只要成功潛入目標人物 - 垂危的大企業家Maurice Fischer 的兒子(Cillian Murphy飾演)身上並植入預設的意念,Cobb的通緝令會被徹消.Cobb為了自已的兒女,遂集合夥伴,更由爸爸介紹,招攬建築設計系學生Ariadne(Ellen Page飾演)為他設計夢中場景.一切就緒後行動立即展開...

電影的頭20幾30分鐘主要交待Cobb的背景及如何招兵買資馬,對白冗長及分鏡過少的場景下,對剛吃完lunch的我構成很大壓力,就算入場前我已準備咖啡補品,亦逃不了睡魔召喚(差不多自已也入夢了:p)幸好當故事去到盜潛行動開始,節奏就變得明快.今次Leonardo的演出雖然聚焦力沒有前作"不赦島"般強烈,但演譯主角Cobb的角色立體感很強!這個可能跟編劇的實力有關;飾演Cobb的助手Joseph Gordon-Levitt(前作有"心跳500天"),雖然個子不算高大,但穿起西裝乾濕褸都幾有型!至於其他扮演助手的角色本人就不太熟悉.Ellen Page可算是當今荷里活女優後起之秀,"Juno"令她平地一聲雷.但今趟她的演出就不算突出;反而飾演Cobb妻子Mal(Marion Cotillard飾演)就奪目得多.之前看她在"大犯罪家"的演出已經有不少印象,今次因為她的角色獨特性 - 跟故事有很深層次的關係,出場不多的她反而比Ellen Page更搶鏡!

其他角色: Cillian Murphy可能受制他的外表,看上去總是覺得他不是好人一個.不過今次導演卻著他去演一位缺乏與爸爸溝通的太子爺,基本上不是壞角色;日本籍實力派演員渡邊謙飾演的日本商人其實出場不少,導演亦安排不少編幅給他發揮,不過難免一些較幽默的對白或情節都套在他身上,畢竟導演是西方人罷.至於老戲骨Micheal Caine今次真係以客串性質參與,只有兩場戲有份,大家亦唔好對佢出場期望太高.

片中的特技相信大家睇過Preview或廣告等都留意到,以今時今日黎講唔算很特別高超,但營造出來的直實感,場面配合故事當時的氣氛確是有點震撼感覺.故事其實最好玩係夢境進入多重深層次,就如那次盜潛植入行動,從:飛機頭等倉->雨中MPV內->酒店房間->雪山基地->Cobb夢中理想安樂窩->日本商人的家->Cobb現實的家(這層不肯定是夢!),戲中會交替出現各個場面,你可以看到這段戲描寫有幾咁複雜.建議以往冇帶備腦子去看戲的朋友今次要小心這段戲的安排會令你迷失思維.

以上透露過,如果有朋友看完,可否話過我知:最後一幕是真實,還是夢境??


[1]

咁快睇左喇~
我諗我要下星期至去睇, 睇完答你最後個問題~

太后
[引用] | 作者 太后 | 27th Jul 2010 | [舉報垃圾留言]



哈哈~好呀!等妳的答案^^

希望妳享受呢套好片~!

[引用版主回覆] | 作者 kenken | 27th Jul 2010

[2]

因期待已久(還記得我點解去睇不赦島嗎?),誓必入場,這一篇要略過了。很想哭,今晚返到學校先發覺補課改了做聽晚,但後晚我又要交功課,但只做了一成,點先?雖則我聽日開始請了假直至考試,但夜晚又要去返學…嗚~~~


[引用] | 作者 brownie | 27th Jul 2010 | [舉報垃圾留言]


趕功課都係壓力一種,有時頭昏腦漲的時候難免出錯...

這是一套好戲,應該映期不短...上次攪錯左唔緊要,好戲會等妳去睇呢^^

[引用版主回覆] | 作者 kenken | 27th Jul 2010

[3]

個人認為李安納度係當今40歲以下最好戲既男演員!


[引用] | 作者 conan | 27th Jul 2010 | [舉報垃圾留言]

對!越睇佢越掂emotion

[引用版主回覆] | 作者 kenken | 28th Jul 2010

[4]

是夢境是真實, 或者不用刻意去尋求答案.

我之後走去睇FAQ 都有D 唔明.

紫熊
[引用] | 作者 紫熊 | 29th Jul 2010 | [舉報垃圾留言]


我都知道導演有心以open ending去結尾,只不過想在此同大家討論一下吧...

咁妳會唔會去睇呀??

[引用版主回覆] | 作者 kenken | 30th Jul 2010

[5]

我比較樂觀, 主觀意願是回到真實~
(不過有啲衝動想睇多次, 一開頭渡邊鐮係老樣, 我有少少想搞清楚呢個鏡頭嘅意思...)

太后
[引用] | 作者 太后 | 31st Jul 2010 | [舉報垃圾留言]


有機會我都考慮會再看一次...

[引用版主回覆] | 作者 kenken | 31st Jul 2010

[6] Re: kenken
kenken : 我都知道導演有心以open ending去結尾,只不過想在此同大家討論一下吧...咁妳會唔會去睇呀??

我睇0左架啦.

紫熊
[引用] | 作者 紫熊 | 4th Aug 2010 | [舉報垃圾留言]

[7]

Ken兄,
Christopher Nolan一向都係我好喜愛的導演(另一位係David Fincher) 由Memento, Batman Begins, The Prestige, The Dark Knight 到 Inception,佢都冇另我失望! 今次的Inception,剩係係Internet上尋找一d有關佢不同ending的解釋版本已經多不勝數,可想已知,大家已經中了他的毒!當然,我絕對唔例外啦 ~
btw, 我偏向個陀螺係冇停 !

水十十月
[引用] | 作者 水十十月 | 4th Aug 2010 | [舉報垃圾留言]


陀螺冇停,即係最終都係夢境.呢個亦解釋到為何電影一開場Cobb就見到年老渡邊鐮;不過最費解係主角最終見到一直看不到的子女面貌,又好似不合邏輯...

[引用版主回覆] | 作者 kenken | 5th Aug 2010

[8]

同時,Inception係imdb.com的Top 250 Movies ranking 中,已經係第3位, 第一位係由Stephen King 的著名小說改編的月黑高飛,第二位就係The Godfather!
Inception同佢地係同分,只不過係票數較少. 犀利!!

水十十月
[引用] | 作者 水十十月 | 5th Aug 2010 | [舉報垃圾留言]


哈哈!估不到我呼喚你的名字後,你真的出現了!^^水十十月兄,最近好嗎??

David Fincher係一位不可多得的導演,我都很喜歡他的作品;不過近年好像冇乜新作??

Christopher Nolan係後起之秀,此作之後必定人氣大升.再一次證明有實力的確唔怕任何困難...香港電影人值得借鏡!

[引用版主回覆] | 作者 kenken | 5th Aug 2010

[9] Re: kenken

一切安好,無穿無爛..haha
David Finchero係10月會有一套新戲上,叫 Social Network,講關於Facebook創辦人Mark Zuckerberg的故事.睇咗trailer,幾期待,不過香港唔知上唔上!
David對上一套係2008/2009年的Benjiman Button...都唔叫耐啦!
btw,我其實只係冇乜寫blog(因工作太忙)但我一有時間都會探下你嫁 ~

kenken : 哈哈!估不到我呼喚你的名字後,你真的出現了!^^水十十月兄,最近好嗎??David Fincher係一位不可多得的導演,我都很喜歡他的作品;不過近年好像冇乜新作??Christopher Nolan係後起之秀,此作之後必定人氣大升.再一次證明有實力的確唔怕任何困難...香港電影人值得借鏡! ...

水十十月
[引用] | 作者 水十十月 | 6th Aug 2010 | [舉報垃圾留言]

係喎!忘記了佢前年的"奇幻逆緣"哇."Social Network"似人物傳記片,以他的號召力香港應該有得上掛?工作比寫blog當然緊要些.唔緊要,得閒來看看,留留言小弟一樣歡迎呢~!

[引用版主回覆] | 作者 kenken | 7th Aug 2010

[10] Re: kenken

佢兩個小朋友只係佢係limbo時一路避開唔睇,亦唔係睇唔到.我估佢驚一睇咗就會好似佢老婆咁相信夢中才是真實
尋晚睇d website先討論究竟個夢係幾時開始?邊個先係比人潛入夢的真正主角, Cobb定Fischer...
有興趣睇吓啦
http://wegotthiscovered.com/2010/07/20/dream-a-little-bigger-a-guide-to-understanding-inception/

kenken :

陀螺冇停,即係最終都係夢境.呢個亦解釋到為何電影一開場Cobb就見到年老渡邊鐮;不過最費解係主角最終見到一直看不到的子女面貌,又好似不合邏輯...


水十十月
[引用] | 作者 水十十月 | 6th Aug 2010 | [舉報垃圾留言]


多謝你給我的連結呀!的確你的分析又再令對故事我反思更多....

[引用版主回覆] | 作者 kenken | 7th Aug 2010