香港新浪網 MySinaBlog
« 上一篇 | 下一篇 »
kenken | 23rd Jan 2010 | 心頭好 | (688 Reads)

 Picture

上次跟大家講過我會去驗眼,順便配過一副新眼鏡.今天率之可以去拿....

其實早於兩個星期前我已約了視光師驗眼.經過超過一個鐘的驗眼程序後,還好除了確定患上老花外,眼睛在健康上還可以;不過視光師告訴我原來我有隱性斜視問題,不過因為我的眼部肌肉控制能力還不俗,最終抵消了斜視問題.所謂隱性斜視,據視光師說是當你望向物件時,你的斜視角度此正常人廣闊,如果加上按制眼部肌肉唔理想,眼睛就會有斜視問題.視光師說如果我還是小朋友,醫學上是有訓練方法去糾正斜視;不過好像我這麼一把年紀,他對我說還是省回一點氣力吧!....(無奈)

 所以總括黎講,配一副新眼鏡主要係應付老花問題.由於唔想俾人一眼就睇到我戴老花鏡,選擇漸變眼鏡係必需的,加上我要求加上有全視線技術的鏡片, 所以配之前已經預左價錢會幾貴....但最後我佔不到埋單落樓(就算動用了某會員資格打了8折),竟然超過$5000!睇黎都要重新計劃一下最近的支出了.....

Picture

眼鏡框是德國牌子Wolfgang Proksch (ByWP),我對上的眼鏡框都係呢隻牌子.今次選這副框除了它的重量屬超輕外(物料係不銹鋼),用過呢個牌子的朋友都知它還有一個特點....

Picture

答案就係呢個眼鏡框的框駁位係完全不需要鏍絲的.理論上它唔會有鬆鏍絲既問題.

至於戴漸變眼鏡的適應問題,我的感覺係當剛剛戴上會跟以往戴近視鏡有不少分別,例如當你望向眼鏡邊沿,又或是望地下都需要重新適應.幸好服務人員好詳細地教我如何去適應及妥善保養眼鏡...希望它真係令我覺得物有所值啦~~!


[1]

可視角度比正常人廣闊<-不是更好嗎?

不需要鏍絲<-沒有問題的,有幾何會鬆?

五千?之前陪朋友去我去開的眼鏡店,都是貴框,但無老花,但三千頭咋喎~

我上星期去了眼鏡店驗眼,度數無變,星期五約了專業驗眼,希望一切安好啦!


[引用] | 作者 brownie | 24th Jan 2010 | [舉報垃圾留言]


嘻嘻,唔好意思,係我打錯字,已更正了.
斜視角度廣闊就是說兩隻眼球好像幾米"向左走向右走"的男女主角們各走極端.幸好視光師話我可能係睡覺時眼部肌肉鬆弛時才會有此現象發生.

不知是否我處理眼鏡有問題,以往所有眼鏡用上一段時間都會有鏍絲"鬆鬆地"問題,所以在Office我都預備左小型鏍絲批作不時之需.

我都知有點瘋狂.上去之前已經知道理大配眼鏡係貴個人...配一般transitions鏡片都應該要2,000元以上;這對鏡片據聞用上transitions第7代技術,加上漸變老花,一對鏡片盛惠$3,600(8折前),加埋眼鏡框$2,360(8折前)和驗眼費用$380,8折後其實我已經節省千多元了...現在唯有這樣相信它的專業信心令我接受呢個價錢呢!

靈魂之窗值得我們小心保養..我都希望妳下星期驗眼順順利利無問題啦~!

[引用版主回覆] | 作者 kenken | 24th Jan 2010

[2]

一分錢一分貨,咁專業詳細既檢查、加上質量超好的眼鏡物料,我覺得值得啊!

何況眼睛是用來看東西,很重要的~花多點錢保養是有其需要的!

 

貓比斯
[引用] | 作者 貓比斯 | 24th Jan 2010 | [舉報垃圾留言]

嗯,但願如此....不過同10個人講,有9個人都話我配貴左副眼鏡emotion

[引用版主回覆] | 作者 kenken | 25th Jan 2010

[3]

成5000蚊, 足足配了我兩年份隱形眼鏡加新眼鏡~ 好貴好貴!! 雖然鏡架好特別, 但而家d眼鏡好少有螺絲問題~

飛天火羽
[引用] | 作者 飛天火羽 | 25th Jan 2010 | [舉報垃圾留言]

連妳都咁講,我開始對自已認為正確的決定有點動搖...emotion

[引用版主回覆] | 作者 kenken | 25th Jan 2010

[4]

嘩,副眼鏡好形呀,加上K仔你又咁靚仔,d女實俾你溝哂啦emotion


[引用] | 作者 TONY | 25th Jan 2010 | [舉報垃圾留言]

Tony哥你咁講叫我以後點見人呀~emotion

[引用版主回覆] | 作者 kenken | 25th Jan 2010

[5] Re: kenken

我星期五都係去理大喎~

上次睇中副Victor & Rolf,型到呢~但當然係貴o野…

講到價錢平易近人,我睇中副阿婆綠的膠框,但計埋鏡片友情價一千…下次先…


[引用] | 作者 brownie | 26th Jan 2010 | [舉報垃圾留言]


妳去邊間理大呀?係咪合和個間?上次跟我做的周姓男視光師態度視切都唔錯啊!

妳有友情價都唔配?有時改改形象,人都看得精神點!

[引用版主回覆] | 作者 kenken | 27th Jan 2010

[6]

合和啊~這間最快嗎!
我前年年尾去過啦,我唔記得係咪姓周,淨係記得年紀不小…
咩友情價呀!我朋友(介紹我去那個)話我o地咁多年俾的錢養大佢個女呀!我o地睇住佢阿媽大肚到而家個女都小六啦!
最大的問題是我而家戴緊的眼鏡只係上年五月配咋,不能太浪費!


[引用] | 作者 brownie | 27th Jan 2010 | [舉報垃圾留言]


呢間最快咩??我真係唔知喎.純粹唔諗住去旺角同沙田分店...

嘩!妳噤幫襯法個間鋪直情要俾個白金VIP價啦~!XDD

我通常用一副眼鏡都用上4,5年,舊既就留番係屋企用.但如果唔太貴,你配多副替換都無妨既.

[引用版主回覆] | 作者 kenken | 28th Jan 2010