剛剛到YT找一些本地電影主題曲資料,原來一向好少去YT的我今天才發現有不少值得回味的片段可以在此分享.

今次想分享有關張曼玉的電影........... 

 甜蜜蜜 - 從新移民問題至悼念鄧麗君,共治一爐的作品,我覺得係張曼玉出色作之一

阿飛正傳 - 這場經典對白最深刻,學子華話齋:Marvellous!

旺角卡門 - 都係片裡其中一場經典,體現8,90年代初地道青春殘酷物語.

花樣年華 - 張曼玉最完美的5,60年代造型!王家衛將她跟老拍擋梁朝偉拍得魅力逼人,當然劇本都很有強烈風格.

東方三俠/近代豪俠傳 - 印象中好似係Maggie唯一未世代動作片.呢套片令我諗起米路吉遜的成名系列"Mad Max".杜Sir+程小東往往係當時黃金組合.片裡經常有大動作和武打場面,現在的Maggie一定不會再接拍這類戲.

阮玲玉 - 個人覺得呢套戲不太適合她演,外形不太似之餘,張曼玉也沒有那個時代的感覺,另外印象中套戲整體成績都不太好.

緣份 - 電視劇第一套係"劃出彩虹";電影方面就應該係呢套"緣份".絕對係花瓶角色.套戲最好橋係大玩當時通車不久的地下鐵內"緣份遊戲"

英雄 - 古裝造型的她,我最喜愛呢部片!絕對耀目過東邪西毒.不枉張藝謀諗美術出身,每一段回憶都用不同的色調分隔,程小東精采武功場面也居功不少!

家有囍事 - 今年那套家有囍事真係不知所謂!唔該製作人員睇返呢個 Trailer反醒一下吧!Maggie跟星爺玩Ghost, Terminator,仲有巴黎鐵塔反轉再反轉.Maggie雖然出場唔算多,但我覺得經典過精裝追女仔.

以上只是我列出她的冰山一角,張曼玉其實還有很多作品,大家有冇自已的心水推介??