新不了情－第一次在戲院看，很快就喊過不停，之後只是偶然在電視看到。

秋天的童話－心目中愛情片的經典作。

金枝玉葉－幾正的，如果沒有第二集仲正，第二集證明王子公主是不會快樂到永遠。

雙城故事－我只係記得張曼玉話：「去到最痛就不會再痛」有無記錯？

夏日的麼麼茶－最無感覺，寧願睇孤男寡女或瘦身男女。

希望你快D開心返啦！

新不了情-相信係我睇得最多的港產片之一,一直都係我係呢類片既"膽",每次睇我都好有感覺.

秋天的童話-都係我心目中既classical Film!記得張婉婷講過船頭尺確有其人,係她一位朋友.最後故事劃上的結局太完美了,如果係我會刪除最後個場戲.

金枝玉葉-妳說得對!第二集的出現絕對破壞哂整個故事,我想陳可辛都會有同感!

雙城故事-佔不到妳還記得.我俾較著重看Alan跟曾志偉的描寫;它還令我認識到金銀島故事及Moon River.直至現在為止得3部戲我會投入到去看曾志偉,此其一,另外就係"甜蜜蜜"和"早熟".

夏日的麼麼茶-我都知呢套其實係好一般的商業愛情片,但不知怎的,覺得任賢齊演得自然好看,我又好響往好似佢咁既生活;另外一D劇情的鋪排:例如開場肥谷炒Sammi,又或者Sammi好友Betty原來係撬走佢男友Ben的女人,過種突如其來的變奏令人心寒!

金枝玉葉真的好好睇，每次睇番心情都會平復好多～

係呀!有情人終成眷屬既結局梗係看得賞心悅目啊!

金枝玉葉－無辦法，有錢無理由唔搵，明知收得點會唔續拍。

雙城故事－其餘的我都忘了，也許當時年紀小。

夏日的麼麼茶－或者你是嚮往那個小島？

金枝玉葉-其實好多續集都係咁:英雄本色,黃飛鴻,無間道,警察故事,陰陽路...真係數之不盡.

雙城故事-我都相信妳睇時年紀應該不大.係戲中曾志偉讓愛的情燥令我感動.

夏日的麼麼茶-我不只嚮往那個小島,我還嚮往男主角無佝無束的生活呀~

除了雙城故事,差不多每一套都睇過不下2-3次!
我最喜歡的都係秋天的童話, 當年讀U時上一科名叫Hong Kong Cinema的興趣班時,都係用佢做Review...

我諗"秋天的童話"那套片用來寫Review應該係一個不錯的提材呢!

如果水兄末看過雙城故事,個人推薦你租來看看;當然,有些人會接受唔到譚詠麟同曾志偉做番正常人...

雙城故事-我都相信妳睇時年紀應該不大.係戲中曾志偉讓愛的情燥令我感動.

我記得佢話自己就死，仲同阿麟爭咩？

但細個係諗：張曼玉點會揀曾志偉呀？得兩個揀實揀譚校長啦！

唔係啊,我記得曾志偉在香港開雞場時已經暗戀張曼玉,不過當佢察覺張曼玉同阿麟大家都有意時,沒有再進一步;就算當阿麟當歌星後冇時間陪張曼玉時,他亦只不過擔當朋友間開解角色,並沒有乘虛而入....

我明白以貌取人係好正常,不過我更加欣賞內心善良,成人之美的漢子多於外表.阿麟的角色在戲裡我總覺得係較自我自私的一個.

好明顯係我唔記得套戲講乜@@