星期四是公司新老總請食飯的日子.新老總份外細心,選了剛結束休魚期幾日去流浮山食海鮮.有同事提議不如順路去白泥看"咸蛋黃",我當然贊成,因為真係未親眼看過...

我坐在同事的私家車上轉眼已去到白泥.白泥是新界最西邊的地方之一,除了可一睹日落美景之外,沿海岸線的一片蠔田,及一些濕地動植物:紅樹林,跳跳魚等都係這裡特色之一,而且這裡還有幾個私人釣魚場供垂釣,除此之外白泥附近算是保存得頗原始的地方.

剛剛到達時,"咸蛋黃"還未很黃,尚有時間向海中心方向行出一點點.

向東面可眺望深圳灣公路大橋(西部通道)

因為係退潮的關係,我們可以行去海岸較出的地方,遠處那裡已經有幾位龍友set好腳架準備就絮....

聽同事說這是蠔排,用來養蠔呢!

開始變黃了...好美!

另一張.....看得我有點感動!!

可惜不知是否剛打完風的關係,當日雲層比較厚,最後都看不到全蛋黃.但對我來說都不枉此行啦...

看完日落當然係醫肚的最好時候,我們折返流浮山食海鮮.新老總準備美味的海鮮,為我當晚的旅程劃上完美句號~!

潮式凍蟹 - 肉身厚而乾身,不會吃得一啖肉一啖水,夏天吃超贊!!

用料十足的雞腳豬肉煲海螺,好甜!店員熱騰騰拿出來,連熱蒸汽也拍下來.

食海鮮當然不能缺少的東昇班啦.

這種不知名的扇貝跟出面一般酒樓吃的不同,好味得多!

此碟已經係我覺得比較平凡的涼瓜炒"虫聖"子.....hee hee,因我不吃涼瓜

豉油王大蝦,味蕾可以分辦出鮮蝦味及豉油味,真想連殼都食埋!

鮑魚賣相不錯喎,而且都幾大隻啊~~

最後要介紹係炸元貝,外脆內軟,我以往未食過此菜,有機會大家不妨試試.

有一點好奇怪,當日我以為一定有蠔食,最後結果係冇喎,點解呢?....唔通以往說去流浮山食蠔的講法今日已不設實際??