香港新浪網 MySinaBlog
« 上一篇 | 下一篇 »
kenken | 6th Jan 2009 | 飲飲食食 | (305 Reads)

Picture

話說有日"為食同事"推介我有一間越南菜館,那裡有一款菜色十分好食,就係"牛油雞翼".佢話呢間清亭越南菜館(前稱"清亭燕萍")原來好出名,由細地方搬去大地方後生意更旺云云...

真係咁犀利??就係上星期日同屋企人試下...

雖然明知那裡地方諾大,我都楝下午2時後才光顧,目的係迴避銅鑼灣的午飯時間.坐低叫了這些:牛油雞翼,雞絲河粉,茄汁排骨飯,蒸粉卷,同椰汁眉豆糯米(以上菜色係同事推介既),另外我加了個炒金邊粉和香葉綠豆榚.首先說說牛油雞翼(上圖).之前上Openrice check過此雞翼的確好多人讚;到送上檯前,好熱呀!是剛剛炸好的.4件庄說實係兩隻大全翼一斬為二.外表唔太多油,不過始終係炸物,食上口時都有D啖啖油既感覺.牛油味唔太濃呢!一家人試完後都不約而同跟家母的黃金炸雞翼比較...最後結論係:都係媽打D雞翼好味D喎!!

Picture

跟著係炒金邊粉(圖左),茄汁排骨飯(圖中)和雞絲河粉(圖右).先說說那個排骨飯,飯多,排骨好大舊,茄汁睇落都幾靚呢D係第一個感覺.食上去...乜D排骨咁似煲完湯D肉排咁,係好大舊好腍,不過無味道,要靠茄汁才可吊味.反而雞絲河粉和炒金邊粉就真係唔錯.雞絲河粉D湯應該冇味精;而金邊粉味道家人一致讚好!

Picture

蒸粉卷:睇落好似好好味,不過其實都係覺得普普通通姐!

Picture

最後係椰汁眉豆糯米同香葉綠豆榚:個碗眉豆糯米唔錯,不太甜.綠豆榚雖然彈口,不過都係個句:不夠突出!!

總括上,此店水準不過不失,最抵讚的只有金邊粉.大家有興趣的話可以到Openrice找找其資料的.


[1]

好鍾意牛油雞翼,食完包生暗瘡!


[引用] | 作者 brownie | 7th Jan 2009 | [舉報垃圾留言]

[2]

嘩嘩emotion~我好喜歡吃牛油雞翼的~正!!!emotion

之前食開果間越南餐廳結業了...搵日試吓呢間先emotion

貓比斯
[引用] | 作者 貓比斯 | 7th Jan 2009 | [舉報垃圾留言]

[3] Re: brownie
brownie : 好鍾意牛油雞翼,食完包生暗瘡!

唔緊要啦,食多碗龜苓膏就ok囉~~!

kenken
[引用] | 作者 kenken | 7th Jan 2009 | [舉報垃圾留言]

[4] Re: 貓比斯
貓比斯 : 嘩嘩~我好喜歡吃牛油雞翼的~正!!!之前食開果間越南餐廳結業了...搵日試吓呢間先~


原來咁多朋友都鍾意食牛油雞翼emotion

唔怪得佢地生意都唔錯啦!!

kenken
[引用] | 作者 kenken | 7th Jan 2009 | [舉報垃圾留言]

[5]

自從佢地搬左地址之後我都未幫襯過, 睇完你篇post,搵日都要再去先

JO
[引用] | 作者 JO | 12th Jan 2009 | [舉報垃圾留言]

[6]

除牛油雞翼外,其它都好有興趣!!! emotion

日月明
[引用] | 作者 日月明 | 13th Jan 2009 | [舉報垃圾留言]

[7] Re: JO
JO :
自從佢地搬左地址之後我都未幫襯過, 睇完你篇post,搵日都要再去先

係呀!我都知呢間以前未搬前有唔少Fans...

不過當時我還未知道此店存在,所以不能比較搬前搬後的食物質素如何.

kenken
[引用] | 作者 kenken | 17th Jan 2009 | [舉報垃圾留言]

[8] Re: 日月明
日月明 :
除牛油雞翼外,其它都好有興趣!!!

哈哈!不過這裡最出名正正就係牛油雞翼播!!

kenken
[引用] | 作者 kenken | 17th Jan 2009 | [舉報垃圾留言]