香港新浪網 MySinaBlog
« 上一篇 | 下一篇 »
kenken | 13th Nov 2008 | Blog友Tag | (146 Reads)

多謝貓比斯送過來的Tag.今次我是第二次接Tag,但問題就比上次多一倍以上!

希望今次會比上次寫得好一點吧....

1. 你習慣幾點睡?

早幾年我多數過浚晨一時才訓,有時係打機上網傾電話,又或者係睇重播劇集;不過最近半年開始因為日間工作繁忙,所以平均都會係十二時左右上床,目的是爭取多一點時間休息.

2. 你有穿睡衣的習慣嗎?

這個要看是夏天還是冬天了...夏天的話T-shirt +孖煙卣就是我的睡衣吧!冬天的話我就會著睡衣的.(不過老實講男裝睡衣萬變不離其中,我著個的都係媽打買俾我,其實幾老土!)

3. 你睡前會做什麼?

1.開動鬧鐘.  2.去多次洗手間and刷牙潔面.  3.開收音機較好Sleep.  4.熄燈.

4. 你的床是什麼顏色?

床身係紅柚木色,而床單我有兩set:橙色及草綠色....今期係用緊草綠色.

5. 你的床上會擺些什麼?

我的睡床比較普通,放不到甚麼...我只在床頭"攝"了一個夜光黃色小跳字鐘方便摸黑睇時間.

6. 習慣側睡還是正睡?

好不幸,正睡我是睡不到的.現在只可以側睡甚至爬係度訓,(我曾經想綁著雙手或腳從而習慣正睡,但最終都係覺得訓覺姐,何必咁辛苦呢?)

7. 有聽音樂或歌曲睡覺的習慣嗎?

絕對有!不過現在收音機晚上D節目都好嘈(好似三姑個D),只是想有點聲音幫助入睡.懷念以前"一切從音樂開始"或"輕談淺唱不夜天"呢類純音樂節目.

8. 會聽什麼類型的音樂或歌曲?

甚麼語言都冇問題,只要是抒情歌就可以.

9. 睡前會不會想些事情?

以前會想,青少年的時候經常在睡前想東想西,多數都係D冇乜可能會發生的事情;現在年紀越大,睡前都冇乜野去諗囉...

10. 承接上題,多數會想些什麼?

同上.而家冇乜野諗,最多都係我如果中左今期六合彩會點用筆錢...話時話唔知今期開乜野Number呢??

11. 當睡不著你會?

睡不著是一件很痛苦的事情.我試過眼光光噤靜待黎明....言歸正傳,睡不著我會看書,打機.希望整倦雙眼早D入夢鄉.

12. 睡到一半突然醒來,之後睡不著,你會?

這個情況的發生對我來說不算太多,多數係發惡夢之中突然醒來.如果不幸發生了唯有出去洗個面,試試再訓睇下得唔得.

13. 熟睡中突然電話響起,你覺得是誰打來?

好耐以前半夜試過.事實上係一個打錯電話事件.

14. 你會有開燈睡的習慣嗎?

絕對唔會!雖然就算開著燈我都訓到的說.

15. 睡覺時最討厭聽到什麼聲音?

樓上傳來好似跌波子的聲音..不過以前聽人講個呢D其實係咬嗚發出的聲音!!(係真唔係呀~~!)

16. 有做夢的習慣嗎?

以前有,而且間中係彩色...不過而家做夢少了.

17. 你最有印象是什麼夢?

都係呢個:俾不明人仕不斷追,當追到盡頭,跟著一躍而下,最後嚇醒了...

18. 惡夢,甜夢,你會選擇做哪個夢?

我相信冇人會喜歡發惡夢吧!

19. 想看誰睡覺的模樣?

我覺得睡覺係好私人的行為,如果係身邊重要人仕還可以,其他人仕就沒必要想罷.

20. 會抱著東西睡覺嗎?

冇呀!男人老狗最多都係我的床邊伴侶--枕頭!

21. 你的床上用品圖案是什麼?

同睡衣一樣,格子圖案.

22. 睡到一半突然肚子餓,你會?

呢個可能性好少,不過都試過半夜摷野食既...花生,果仁呢類多D.

23. 你的睡姿好看嗎?

哈哈!一個字...嘔!

24. 有說過夢話嗎?

聽人講有,不過唔知係咪真既...

25. 醒來發現自己不在床上,你會覺得在哪裡?

有試過...跌左落地下,好痛啊!

26. 睡到一半突然肚子痛,你會覺得如何?

十萬火急,一定要去洗手間啦!

27. 什麼時候你才會想睡覺?

想睡的時候就會睡覺吧...沒有特定時候.

28. 有在家裡以外的地方睡過覺嗎?

呢條問題無聊D喎....當然有啦!酒店,飛機,巴士等交通工具...好多好多地方都可以訓.

29. 什麼原因讓你在外睡覺?

因為唔係屋企囉!

30. 現在跟誰一起睡?

自已一支公囉!

31. 每朝早能可以不用別人或鬧鐘叫醒, 而可以自己起床嗎?

 時得時唔得啦!所以我都係set左alarm穩陣D.

32. 睡醒後第一件事情做什麼?

按熄alarm,戴眼鏡,跟著去洗手間.

33. 醒來後, 你覺得昨天睡的好不好?

不能一既而論,有時睡得好有時睡得唔好.

34. 早睡早起、晚睡早起、早睡晚起、晚睡晚起, 你是哪個?

多數係晚睡早起.

35. 醒來後, 發現頭髮亂的跟鳥巢一樣, 你會如何處理?

用風筒+梳就得啦!

36. 每日大概幾點才起床?

星期一至五早上六時半起床,假期會遲D..八九時到啦.

37. 你有賴床的習慣嗎?

唔算有,通頂後就有可能.

38.  答完這個 BLOG TAG, 你覺得『睡覺』對你來說是什麼?

本來是好自然,好簡單的事情,答完呢個Tag就覺得好複雜了emotion

 

感想:呢個Tag有些題目真的幾無聊,如果問題精簡一點會好些.

同上次一樣,我不Tag人了,有興趣的朋友請自接吧!

 

 


[1]

半夜三更收到果個打錯電話時,你有無狠狠地問候來電者一下?

貓比斯
[引用] | 作者 貓比斯 | 14th Nov 2008 | [舉報垃圾留言]

[2]

點樣可以綁手綁腳令自己仰臥?最多咪綁到大字型?好SM喎,哈哈哈!

小靜
[引用] | 作者 小靜 | 14th Nov 2008 | [舉報垃圾留言]

[3]

咁都好d,見你玩tog,心情應該好了好多,遟d再一於齊出過來啦食飯啦! emotion

日月明
[引用] | 作者 日月明 | 14th Nov 2008 | [舉報垃圾留言]

[4] Re: 貓比斯
貓比斯 : 半夜三更收到果個打錯電話時,你有無狠狠地問候來電者一下?

記得個陣時未識嬲,但係深宵時份聽到一把陌生人聲音有D驚就真!

kenken
[引用] | 作者 kenken | 15th Nov 2008 | [舉報垃圾留言]

[5] Re: 小靜
小靜 : 點樣可以綁手綁腳令自己仰臥?最多咪綁到大字型?好SM喎,哈哈哈!
當時係有想過強制性要自已去改善睡姿,但係最後都放棄呢個念頭....除左預期會令自已失眠之外,如果媽打突然入房見到我會嚇親佢!emotion

kenken
[引用] | 作者 kenken | 15th Nov 2008 | [舉報垃圾留言]

[6] Re: 日月明
日月明 :
咁都好d,見你玩tog,心情應該好了好多,遟d再一於齊出過來啦食飯啦!

係呀,人總要往前看...我都希望快D出來跟你們聚聚呀~~!

kenken
[引用] | 作者 kenken | 15th Nov 2008 | [舉報垃圾留言]

[7]

其實早d訓真係第2日起身都會精神d

JO
[引用] | 作者 JO | 15th Nov 2008 | [舉報垃圾留言]