香港新浪網 MySinaBlog
« 上一篇 | 下一篇 »
kenken | 17th Sep 2008 | 日誌 | (243 Reads)

Picture

今天上午去聽了一個seminar,內容係講如何面對有暴力傾向的人仕.在三個鐘頭的講話中,令我更加明白到人性原來這麼複雜和脆弱.....

今天的講者大家都可能聽過佢個名:精神科醫生--陳國楝.佢出書,在免費報紙寫專欄,又上電台做節目,算是頗具名氣.初時我都驚個talk會好悶,不過事實上卻不是,陳醫生不愧為人氣醫生,佢用好多例子說明,加上輕鬆,生動的手法介紹,所以由頭到尾我都冇釣魚.

今天聽了很多有關暴力的東西和處理的技巧.當中佢講到用科學角度去分析暴力行為值得在這裡跟大家分享.原來在科學上係可以將之分成四個論點:

(1)生物攻擊本能論:攻擊其他生物確實係地球所有動物維護生命的本能,當然人類都有這種"潛能",不過因為我們由細到大都有父母,老師或長輩教導,例如兄弟姊妹要相親相愛,呢種思想意識會令你壓抑自已的暴力本能.不過陳醫生point out左一個問題,就係而家好多夫婦都係生一個小孩,小孩成長以後就會缺乏左呢種心理培養,加上父母子女間關係越來越疏離之下,佢預期小朋友的自殺,暴力個案會有增無減的.

(2)挫敗攻擊理論:陳醫生說當人類受到挫折時,就會產生攻擊行為,而呢個意識好容易通過displacement of anger呢個途徑去傳播出去:例如老闆生意唔好,將責任推在你身上,你濾積了挫敗感無從宣泄,放工返屋企就發泄在妻子身上,妻子又將這度"屈氣"傳了子女...直至最後暴力事件發生!

(3)社會學習理論:唔駛多講,就係而家社會風氣,大眾傳媒的影響下,所謂projection identification,好多人受影響而爆發暴力的衝動.

(4)社會控制理論:在犯罪學上呢個係一個好重要既理論.社會控制力量太弱或太強,好多時會係增加暴力事件的主因.另外如果存在有社會依附(social attachment)的行為,例如陳醫生形容其中就好似日本電車男的心態--不重視其他人對自已的看法和期望,就可以為所欲為,犯罪傾向就會越大,類似"秋葉原殺人事件"就會發生.香港亦遂漸多左呢種有心理缺憾的人.

 另外陳醫生亦講到甚麼人格特質在暴力事件中的角色,大致分為三類:

(1)具侵略性的人格特質:總括來說係低自尊,但看起來好有自尊,自大的樣子.陳醫生話呢種情況好多時會發生係老闆身上(唔知佢講真定講笑,但感覺上又係播!)自我意識高漲,喜好毀謗,容易尷尬,威嚇他人,愛好權力,說話大聲無禮,喜歡責罵他人,常因自已的需求而造成他人的負擔等等..(你話以唔以D無良老闆呢?!)呢種人通常都係暴力施行者居多.

(2)易受侵犯的人格特質:低自尊,將他人需求放於自已之上,迂迴婉轉,自我否認,壓抑,缺乏自信等...呢種人通常都係受害者居多.

(3)具有主見的人格特質:高自尊,能承擔風險,能無礙的自我表達,誠懇,率直,處事圓融,待人有禮,擅長溝通,肢體語言與談話均不會讓他人感到被威脅.陳醫生話呢種人能在職場上收放自如,就算遇上暴力事件亦可全身而退.

不過人格特質只係發生暴力行為的因素之一,陳醫生話還有生物,心理,情境,人際關係,環境和政治等因素影響,另外還有精神病態暴力行為.至於全個seminar最重點當然係如何處理暴力事件.呢方面留番以後有機會再和大家分享吧!


[1]

咁「具有主見的人」同暴力事件有咩關係?

另外,我想問下可唔可以放個Player Control在頁面可以調校音量或開關,因為我邊睇電視邊上網,唔係好方便呢!如果太麻煩就由佢啦,唔好意思!

小靜
[引用] | 作者 小靜 | 17th Sep 2008 | [舉報垃圾留言]

[2]

嘩,唔好話叫我去聽,就算睇你篇文我已經訓著,嘩哈哈~~~~~~~~


[引用] | 作者 TONY | 18th Sep 2008 | [舉報垃圾留言]

[3] Re: 小靜
小靜 :
咁「具有主見的人」同暴力事件有咩關係?
另外,我想問下可唔可以放個Player Control在頁面可以調校音量或開關,因為我邊睇電視邊上網,唔係好方便呢!如果太麻煩就由佢啦,唔好意思!

「具有主見的人」就係唯一可以對暴力事件置身於事外的人.這亦是講者想我們學習這種人格特質....

對不起,我不懂新增一個player control上來.或者妳有冇方法教我做??暫時只好換另一隻音樂頂住先啦...

kenken
[引用] | 作者 kenken | 18th Sep 2008 | [舉報垃圾留言]

[4] Re: TONY
TONY :
嘩,唔好話叫我去聽,就算睇你篇文我已經訓著,嘩哈哈~~~~~~~~

怪都係怪我寫得唔夠好姐...當時在場真係唔悶喎...

kenken
[引用] | 作者 kenken | 18th Sep 2008 | [舉報垃圾留言]

[5] Re: kenken
kenken :
「具有主見的人」就係唯一可以對暴力事件置身於事外的人.這亦是講者想我們學習這種人格特質....
對不起,我不懂新增一個player control上來.或者妳有冇方法教我做??暫時只好換另一隻音樂頂...

你見我個Blog咩都無就知我咩都唔識啦...

唔好意思呀,令你麻煩了,你咩都唔好搞了,對唔住。

小靜
[引用] | 作者 小靜 | 18th Sep 2008 | [舉報垃圾留言]

[6] Re: 小靜

你見我個Blog咩都無就知我咩都唔識啦...
唔好意思呀,令你麻煩了,你咩都唔好搞了,對唔住。

唔緊要啦,歌曲就好似人生一樣總有停止的一刻....另一個講法,係時候換換另一隻啦!

kenken
[引用] | 作者 kenken | 18th Sep 2008 | [舉報垃圾留言]

[7] Re: kenken
kenken : TONY :嘩,唔好話叫我去聽,就算睇你篇文我已經訓著,嘩哈哈~~~~~~~~怪都係怪我寫得唔夠好姐...當時在場真係唔悶喎...


K先生你客氣啦,係我未夠水平睇姐emotion

順便一講昨晚既飯局,就係唔掂,加上冇左K先生出席,真係冇引之至;唯一讚係服務唔錯。


[引用] | 作者 TONY | 19th Sep 2008 | [舉報垃圾留言]

[8] body weight

called state split method sarcoplasmic organization after compared eating take topic europe develop considered drugs related require 2007 notable lack


[引用] | 作者 body weight | 2nd Oct 2012 | [舉報垃圾留言]