香港新浪網 MySinaBlog
« 上一篇 | 下一篇 »
kenken | 8th Sep 2008 | 飲飲食食 | (1618 Reads)

Picture

今天放假,中午起身吃過早飯後,出街買D野.行過太安樓,心裡癮起又發作.想講就係在太安樓頗具名氣的牛雜檔...

未講牛雜檔前先簡單介紹一下太安樓的環境:它算是西灣河區較舊的大型屋苑之一.這個由置地發展的屋苑已經有超過40年樓齡.地下採用店鋪開放式間格,而且這裡亦跟大廈大堂互相連椄,所以當你甫一進入時,係好有"家"的感覺.畢竟因它的樓齡高,內部一些屋宇設計設施相對過時,而且以往管理公司對裡面店鋪的管理亦做得不太好.所以晚上你會見到,聞到好多熟食小販大家各據一方搵食.你要知道那裡是一個室內環境,住客街外人經常出入時候,環境有幾惡劣可想而知.直至兩年前太安樓業主決意作出改善及翻新大廈設施,這個嚴重的問題終得到了一些改善...不過要完完全全"撒走"呢D熟食檔其實又冇可能,而且站於食客角度,太安樓真係有數之不盡的美食,而且不同時段會有不同類型的小食供應,試問係港島東去邊度搵??

到介紹那裡的牛雜檔的時候,它營業時間其實唔算好長,中午一點左右開檔,晚上8時左右就會收檔,有時如果好賣可能會更加早些,好多時我去完街行過都冇得食.牛雜檔由一位哥哥仔主理,聽過D老街坊講佢並唔係第一代,相信佢係接手親人的手作.雖然係咁,佢既牛雜仍然保持水準.食牛雜我覺得最緊要係唔好俾人有污糟的感覺,食落去要夠"淋"但又要爽口.而且我個人有一樣野係好重要,就係要完完全全掃除牛雜內本身有的"內臟異味".這點哥哥仔做得好好.另外佢楂較剪都好有一手,未行到佢度已經聽到佢雄渾有力的"Chop Chop"聲...早一兩年行經見哥哥仔身旁多了位標緻的女仕,想必是他大個仔成家立室了;就好似今日就是他"內子"招呼我的一碟牛雜:

Picture

好衰,牛雜中我比較獨愛牛腸跟牛膀(牛的胰臟),我叫了20蚊,"內子"好有禮貌送上.加上甜醬真係好食!說到這裡我欣賞呢碟牛雜除左佢好味之外,視覺上亦勾起我一些美味回憶:就係個隻而家已經唔易係大排檔搵到既"銻碟".呢隻碟令我記得細個以前媽打帶我去香港仔街市買菜時順便買牛雜腸一串串放係呢D銻碟上...今日不其然為這碟牛雜暗暗加了一點點分!


[1]

我唔係住個頭,不過睇電視介紹過太安樓有好多正野食..
牛雜我自己就唔太大興趣,不過睇完你篇文之後回想起細個掃街的日子
臭豆腐,兩溝,咖喱魚蛋,糯米飯...一條街有齊所有野..真係好正!

btw..胡琳OK喎!!

水十十月
[引用] | 作者 水十十月 | 8th Sep 2008 | [舉報垃圾留言]

[2] Re: 水十十月
水十十月 :
我唔係住個頭,不過睇電視介紹過太安樓有好多正野食..牛雜我自己就唔太大興趣,不過睇完你篇文之後回想起細個掃街的日子臭豆腐,兩溝,咖喱魚蛋,糯米飯...一條街有齊所有野..真係好正!
btw..胡琳OK喎!!

其實我對街邊小食又愛又恨.愛係當然可以隨心所欲去選自已喜愛的小吃,呢種購物方式我最like;恨係自已肚子經常唔爭氣好敏感,所以為了避免當街找解手的狼狽,所以好多時都忍忍口....

不過水兄會否覺得就算而家行過旺角登打士街的街邊食檔也找不到昔日真正人人口中一支簽,快活過神仙的感覺??

胡琳今次張album刻意打造R&B歌手,我覺得好似王靖雯(王菲)早年出道的風格,試圖突圍而出...不過我聽過她的大碟之後,發覺以佢聲線其實唔適宜全部走R&B,Jazz路線,應該作多方面發揮比較好....

kenken
[引用] | 作者 kenken | 8th Sep 2008 | [舉報垃圾留言]

[3]

你講起這些銻碟,我諗起小時食車仔麵的公雞碗。

一聽便知是胡琳了。有無聽新碟?我諗緊買唔買好。

小靜
[引用] | 作者 小靜 | 8th Sep 2008 | [舉報垃圾留言]

[4]

小靜一提到那隻公雞碗, 我就覺得好有親切感!

我好耐冇食過街頭小食啦!! 好懷念!
不過有如你所講, 今時唔同往日, 我覺得早幾年我在旺角食的街頭小食, 已經跟小時候食的唔同了!

cakecake
[引用] | 作者 cakecake | 8th Sep 2008 | [舉報垃圾留言]

[5] Re: kenken
kenken :
水十十月 :我唔係住個頭,不過睇電視介紹過太安樓有好多正野食..牛雜我自己就唔太大興趣,不過睇完你篇文之後回想起細個掃街的日子臭豆腐,兩溝,咖喱魚蛋,糯米飯...一條街有齊所有野..真係好正!btw..胡琳OK喎!!

其實我對街邊小食又愛又恨.愛係當然可以隨心所欲去選自已喜愛的小吃,呢種購物方式我最like;恨係自已肚子經常唔爭氣好敏感,所以為了避免當街找解手的狼狽,所以好多時都忍忍口......

十分同意,細個時候的掃街感覺現在已經搵唔到!!仲有細個時去戲院食粟米的日子...好開心!
胡琳把聲確實有少少王菲的影子..不過要搵日去HMV試聽下先

水十十月
[引用] | 作者 水十十月 | 9th Sep 2008 | [舉報垃圾留言]

[6] Re: 水十十月

去戲院食粟米?我細個係食涼果,通常我揀菠蘿乾。

其實胡琳入行好耐,好似以前不嬲R&B,係自從上隻碟先加入主流。

小靜
[引用] | 作者 小靜 | 9th Sep 2008 | [舉報垃圾留言]

[7]

hee.我都喜歡食牛膀架...唔知你講果間係咪近入口果間車仔檔呢?我都有去食過.

JO
[引用] | 作者 JO | 9th Sep 2008 | [舉報垃圾留言]

[8] Re: cakecake
cakecake : 小靜一提到那隻公雞碗, 我就覺得好有親切感!我好耐冇食過街頭小食啦!! 好懷念!不過有如你所講, 今時唔同往日, 我覺得早幾年我在旺角食的街頭小食, 已經跟小時候食的唔同了!

公雞碗,好經典的產物.現在不知還有冇機會再見?

係呀!好多美好的回憶今日已不能再,唯有在腦海不斷Recall...

kenken
[引用] | 作者 kenken | 9th Sep 2008 | [舉報垃圾留言]

[9] Re: 水十十月

其實我睇戲除非好肚餓否則好少食野,原因係好唔鐘意D人食完之後垃圾滿佈地下.有好幾次我就"中左招"一腳都係...

不過你講開劇院門口食檔,我都諗起以前凍酸瓜,勁橙色的魯味小食,魚蛋豬皮(雖然我唔好)等,各色其式,好不熱鬧!!

kenken
[引用] | 作者 kenken | 9th Sep 2008 | [舉報垃圾留言]

[10] Re: 小靜
小靜 : 去戲院食粟米?我細個係食涼果,通常我揀菠蘿乾。其實胡琳入行好耐,好似以前不嬲R&B,係自從上隻碟先加入主流。


菠蘿乾好食定芒果乾好食D?如果係我我會楝芒果乾.emotion

我以前好少聽胡琳,亦不知她原來係R&B style."I Remember You"來自她最新Album,全碟都係有R&B或者Blue Jazz影子.好不好聽真係見人見智....

如果100分係滿分,我會俾65分.

kenken
[引用] | 作者 kenken | 9th Sep 2008 | [舉報垃圾留言]

[11] Re: JO
JO :
hee.我都喜歡食牛膀架...唔知你講果間係咪近入口果間車仔檔呢?我都有去食過.

牛膀真係好好食,不過呢D內臟真係不宜食太多,久唔久一次好啦...

太安樓有好多出入口,無錯佢係呢D出入口位置,不過就在大廈側邊,位置比較近油站.

kenken
[引用] | 作者 kenken | 9th Sep 2008 | [舉報垃圾留言]

[12] Re: kenken
kenken :
我以前好少聽胡琳,亦不知她原來係R&B style."I Remember You"來自她最新Album,全碟都係有R&B或者Blue Jazz影子.好不好聽真係見人見智....
如果100分係滿分,...

剛買了,裡面有張個人音樂會贈券,先到先得的。你有買嗎?

小靜
[引用] | 作者 小靜 | 9th Sep 2008 | [舉報垃圾留言]

[13] Re: 小靜

剛買了,裡面有張個人音樂會贈券,先到先得的。你有買嗎?

我諗我買既機會唔會好大...

kenken
[引用] | 作者 kenken | 9th Sep 2008 | [舉報垃圾留言]

[14] Re: kenken
kenken :
我諗我買既機會唔會好大...

所以嗎,你話我打去唔打去好,一個人我就唔去lu。

小靜
[引用] | 作者 小靜 | 9th Sep 2008 | [舉報垃圾留言]

[15] Re: 小靜

所以嗎,你話我打去唔打去好,一個人我就唔去lu。

有乜所謂,成場都係知音人,點會寂寞呀!

kenken
[引用] | 作者 kenken | 9th Sep 2008 | [舉報垃圾留言]

[16]

原來大家都有番咁上下年紀emotion


[引用] | 作者 TONY | 11th Sep 2008 | [舉報垃圾留言]

[17] Re: TONY
TONY : 原來大家都有番咁上下年紀
哈哈!我覺得我地仲係大細路姐!!emotion

kenken
[引用] | 作者 kenken | 12th Sep 2008 | [舉報垃圾留言]

[18]

今日經過, 揾唔到呀, 唔知係咪我唔識行呢?!

cakecake
[引用] | 作者 cakecake | 15th Sep 2008 | [舉報垃圾留言]

[19] Re: cakecake
cakecake :
今日經過, 揾唔到呀, 唔知係咪我唔識行呢?!

此檔身處其實唔係太安樓正面(筲箕灣道-即係電車路),而在大廈的側面(太康街,對面好似有間叫"麥記粥麵").另外要睇時間,太早太晚佢都唔會出現;加上昨天做節,佢分分鐘可能"休息一天"呢!

不過好抱歉冇在此寫清楚,累妳白走一趟真係唔好意思.

kenken
[引用] | 作者 kenken | 15th Sep 2008 | [舉報垃圾留言]

[20] Re: kenken
kenken :
cakecake :今日經過, 揾唔到呀, 唔知係咪我唔識行呢?!

此檔身處其實唔係太安樓正面(筲箕灣道-即係電車路),而在大廈的側面(太康街,對面好似有間叫"麥記粥麵").另外要睇時間,太早太晚佢都唔會出現;加上昨天做節,佢分分鐘可能"休息一天"呢!
不過好抱歉冇在此寫清楚,累妳白走一趟真係唔好意思.


唔緊要, 我其實係去咗鯉景灣食完野經過, 所以喺太安樓行咗個轉, 好得意呀, 好耐冇見過咁"古色古香"的樓宇了!
反而要多謝你的介紹, 不然, 我都唔會走入去睇吓~

cakecake
[引用] | 作者 cakecake | 16th Sep 2008 | [舉報垃圾留言]

[21] Re: cakecake

唔好咁客氣,大家係度寫blog無非都係想分享下自已一D體會...對我來說有回應已經好開心了emotion

btw,我今日下午一點九見到佢有開檔喎...

kenken
[引用] | 作者 kenken | 17th Sep 2008 | [舉報垃圾留言]

[22]

這裡的牛雜真係好好味..
每次途經太安樓必定買番屋企食~

Nic
[引用] | 作者 Nic | 25th Sep 2008 | [舉報垃圾留言]

[23] Re: Nic
Nic : 這裡的牛雜真係好好味..每次途經太安樓必定買番屋企食~


哈哈!係呀~~每次經過我都想買黎食.不過牛雜食得多係無益既,久不久食下好啦!

另外多謝妳到訪留言emotion有空請再來啊~~!

kenken
[引用] | 作者 kenken | 26th Sep 2008 | [舉報垃圾留言]

[24] lifestyle

illegal rest drugs soreness pose chemicals king supplements athletes organizations ifbb olympia also back acid advantage frequency consume 1990 lack


[引用] | 作者 lifestyle | 2nd Oct 2012 | [舉報垃圾留言]