香港新浪網 MySinaBlog
kenken | 27th Apr 2008 | 飲飲食食 | (197 Reads)

最近每次行街總見到有一,兩間,但都推不到時間去試;今天想寫寫就係越來越多分店的
"泰國人海南雞".入去當然要試下海南雞飯啦!!

Picture

一客海南雞飯套餐:包括雞飯,湯及泰式咖啡或凍/熱飲.不過我加了4蚊改飲香矛薑蜜.先講講個湯,只係清清地既冬瓜湯,所以碗內就只有一舊冬瓜.至於味道就冇乜特別.跟著就係個飯.不過就係個飯令我好失望.食海南雞飯最重要的除了係雞肉外,我認為D香飯同樣重要,以前在利舞台側橫街一間南洋飯店(現在已結業),它的南洋式海南雞飯真係好食!尤其係個淺黃色澤的油光香飯令我好難忘...而家泰國人的,又乾,又不夠香,就算同次級D既上環星加坡餐廳都比下去.至於雞肉就不過不失啦!唯一意外係Tony哥曾經告訴我份量不夠,不過我又覺得OK呢.至於最後的香矛薑蜜反而幾好,夠味之餘清一清口腔都不錯,不過整體上我都覺得可以不用再試啊emotion


kenken | 26th Apr 2008 | 心頭好 | (138 Reads)

多得Tony哥的消息,我才知道UNIQLO同Bandai大玩 crossover,推出一系列為數十款的高達Tee.UNIQLO之前出的永井豪,手塚治蟲,哥斯拉系我都有幫襯,我作為Gundam Fans當然第一時間去look look啦!其實一般來講要買Gundam Tee (原裝)在日本就只可以找Cospa這隻牌子,因佢有獨家license.我同D Friend係日本都買左一兩件;不過佢D design老實講都唔係好靚,而且最基本的短Tee都要¥2,900,我都有D肉赤...

Picture

今次D Tee就比日本平些,而且據講構圖係出自一位平面設計師田島照久的作品,他是以模型配合CG做出這種效果的.所以我收集其中四款自用:

PicturePicturePicturePicture

通當我穿上後都不其然心頭湧上熱血,就像アムロ上身,大叫:"ガンダム出撃す!!!"emotion


kenken | 26th Apr 2008 | 飲飲食食 | (158 Reads)

昨天放假雖然下雨,但我居然走到老遠,還食完一次又一次,自已都覺得頗奇怪emotion...

第一站首先去西貢"全記"飲茶,一般朋友都認為去西貢食飯會好貴,其實唔好俾個"海鮮酒家"嚇怕;原來中午時段飲茶一D都唔貴,就"全記"而言,星期一至五還不設加一呢...(當然晚飯又另一回事啦)

Picture

先來個XO醬煎腸粉;不似一般酒樓的,多牙菜增強口感,有小小辣,用來作刺激味蕾的前菜...

Picture

山竹牛肉-張相out-focus少少,但其實都有D肉味!

Picture

跟著就係這間酒樓的招牌點心--金牌流沙奶黃包,聲稱每天只供應100籠,每人限叫一籠.今次係我第二次食,熱辣辣上抬,味道依舊好.記得第一次跟同事食時,其中一位同事大啖一咬,D流沙射到一衫都係!!

Picture

另一個午飯時最多人叫的就係荷葉飯,總共有七,八款.我們叫了蒸鱔版,都夠味,不過門鱔比較少,唔似得隔離抬叫的梅菜茄子荷葉飯,料子鋪得滿滿的....

Picture

Picture

最後叫了菜苗餃及蝦餃,前者味道不錯,後者因為我怕皮膚敏感所以冇試...emotion

Picture

飲完茶在西貢走走,因為下雨走去一間Cafe - "Brown Colour".這裡以咖啡,花茶為主,當然還有小吃.布置雖然不可說突出但都舒服;叫了一杯cuppucino.店主沖這杯咖啡時我留意他是頗用心沖的;而且上抬時我留意到每位客人的抔子樣子,花紋都不盡相同,彷彿是店主特別為你作一杯獨一無異的飲品吧!心裡邊不自覺地加了分...

Picture

意猷未盡,尾站去了將軍澳新都城一期的"聰嫂私房甜品".同事介紹我都一一叫了--上圖係"龍眼椰果冰".它賣相其實不好,不過食落幾清心,泡冰混入龍眼肉幾特別.不過可能我們同一時間吃幾種甜品,最後它是被比下去的...

Picture

"芒果雙皮奶"-說實就是芒果+少許花奶+雙皮奶打底.如果淨比雙皮奶,義順,澳洲會好食過佢,不過佢加入芒果等後,又係另一個境界啊.

Picture

"士多啤梨椰果西米露"-賣相OK,味道都OK,西米露中有士多啤梨成份,冇愉工減料.店員還跟一小碗淨西米,原來佢話慢慢添加西米,唔會令佢地噤快浸"淋"喎...其實本身碗西米露已經好多西米呢!以上三款係同事推介的,其實聰嫂還有很多其他款式甜品,不過真係太飽試唔哂..不過最後都encore一樣野...

Picture

"椰汁南瓜露"-它幾"傑",椰汁味似乎蓋過南瓜味,都冇乜特別囉.

是日飲食報告完畢;真係諗諗要做多D運動至得啦emotion

 

 


kenken | 23rd Apr 2008 | 飲飲食食 | (182 Reads)

今晚約好Tony哥,MayMay,Angela,Amy同Cindy去深水步試下"愛文生"大排檔式食店,一口氣叫了七道菜.席間Tony哥還開了一支私伙紅酒(在此多謝Tony哥先emotion).至於今晚菜色整體上都不錯,大家可以睇睇個賣相:-

Picture

靚靚紅酒一支~~多謝Tony哥!!

Picture

椒鹽鮮尤 - 雖然係第一道菜,但為眾多菜色中較遜色的一款,可能我在梅窩"新樂"食過的大深刻了...

Picture

鹽焗雞 - 雞肉OK,亦不會太"生",略嫌肥了些...

Picture

粉絲海鮮煲 - 菜跟海鮮比例都適中,但唔知點解上抬時感覺太乾身呢?

Picture

蜆介鯪魚球 - 都OK!勝在夠彈口!

Picture

黃鱔火腩煲 - 味道都OK,不過我覺得生粉落得過多,除了間中食到D生粉外,佢仲令到D火腩冇哂肉味(雖然香港D豬肉十居其九都係雪豬呢!)

Picture

粉絲肥牛煲 - 對不起,最後兩味係食緊時補影的.講番呢個煲,料係夠的,不過因為這些係送飯菜色,如果味道可以再濃一些就更好

Picture

椒鹽豆腐 - 最後一道菜,OK既,外脆內軟.

本來想寫多些,不過中酒精毒太深,要睡了...emotion

 

 

 (閱讀全文)

kenken | 21st Apr 2008 | 日誌 | (78 Reads)

Picture

今天Lunch時同事買了一本書,一看之下原來係幫你增強記憶能力的天書.這些幫你增強記憶能力的書或課題的廣告每天都看到,以乎好多人都嫌自已記性差....講返我同事,原來佢都上過去聽.席上除了大力推銷呢D超強記憶法外,有些小朋友還會作即場"表演".我問同事呢D Course要幾多錢,佢話盛惠六千幾!嘩!都幾貴播...其實這些記憶法大抵上都離不開用你周遭的事物作為你記憶的系統,而這個"系統"就可以將你零碎記憶收集...去到一個水平之後,你會覺得記憶力不知不覺下增強了.

 對我來說,如果腦海不想記的事物蠻多的話,幹嗎要那麼強的記性?!emotion


kenken | 20th Apr 2008 | 影音小評 | (92 Reads)

Picture

今早去看早場"夜行悍探- Street Kings".由"Speed",至"Matrix三部曲",奇洛李維斯俾我的印象都係靚仔,做戲方面亦不太"過火".然而最近幾年的作品,少了"花瓶"的感覺;也許奇洛刻意改變觀眾對他欺文靚仔,鄰家男孩的形象.所以一些有缺陷--特別係性格上有嚴重缺陷的人物他總喜歡選來演...而且他又比上次看來發福了不少(就如我一樣!嘻!).今次佢唔係一個魔界殺手,亦唔係一個沉默寡言的建築師;而係一個以"狠"為名的悍探.故事主幹係最近幾年好熱門的題材--警察內部勾心鬥角,上司愛你還是害你之類.講真都係好一般的編劇,而且在影片開頭我(包括我的朋友在內)已經知道上司心謀不軌(飾演上司仲係上屆奧斯卡最佳男主角得獎者-科力士韋德加,佢D戲今次真係過火少少).另外如果有朋友喜歡動作槍戰D戲的話,呢套亦唔會令你滿意...總括來講,以$35早場都OK,正場價錢不如看DVD好了.

Picture

尋晚率之飲埋第二劑中葯;出奇地冇頭暈,但之前的皮膚敏感又翻發,真係"一波未停,一波又起"emotion

 

 (閱讀全文)

kenken | 19th Apr 2008 | 日誌 | (98 Reads)

Picture

話說星期四晚我去睇中醫,佢話我好倦,個膊頭好痛,但就冇講我乜野病....開了兩臍藥我服,我選了沖劑...即晚服了一劑之後,天旋地轉,零晨兩點幾起身眼光光,個頭仲實到爆....都唔知飲唔飲埋第二劑好..唉~~~emotion

Picture

不過,最近Wii出左Mario Kart,真係好好玩,又可以網上同世界各地機主較量.一個字"爽"emotion

Picture

Picture


kenken | 18th Apr 2008 | 日誌 | (160 Reads)
各位朋友,今天小弟放假,適逢病倒,去過明sir個blog,有感而發,攪下呢個cafe.試業期間,大家有乜意見都好歡迎您地提出.可為我將來著手正式開業做好準確.再次多謝各位大駕光臨!!emotion

Next